Weblog Sybren Posthumus

Sa moat it net, yn it Europarlemint!

Tekenje foar oanwêzigens, fuort nei hûs en in protte presinsjejild opsmite. Sa kin it dus net! Filmke (dêr't trouwens gjin EFA-parlementariërs te 'spotten' binne...

interfrisian Summercamp

op it East-Fryske eilân Spiekeroog fan 3 oant 9 augustus, foar mar 110 euro! Foar jongerein út de fryslannen tusken 16 en 25 jier. Hast belangstelling, sjoch hjirre foar mear ynformaasje! In gesellige wike mei sinne, strân en see, en ús mienskiplike Fryske identiteit ûntdekke... Jou dy gau op!   

senaat Frankryk: noch altyd 18e ieusk?

It liket mei guon ûnderwerpen wol oft Frankryk noch altyd yn it Jakobiner tiidrek libbet fan de 18e ieu. Ien fan dy saken is de gedachte 'Ien steat - ien taal'. Tige sintralistyske en efterhelle tinkbylden út in fier ferline dêr't de Basken, Bretonnen, Oksitanen, Katalanen ensfh. noch altyd, alle dagen wer, tsjinoan rinne. Gjin oerheidsjild foar lessen yn regionale talen, gjin erkenning fan de rykdom fan meartaligens en gean sa mar troch. Einlings like it hast klear te wêzen, it regear wie om om in hiel soad regionale talen te erkennen as part fan it 'nasjonaal erfguod', mar no stimt de senaat wer tsjin. Snappe jo it noch?

útslach referinda respektearje

It referindum yn Ierlân oer it ferdrach fan Lissabon hat west. De útslach is helder, in mearderheid tsjin. En oars as by it diskutabele Saailân-referindum yn Ljouwert wie der diskear gjin minimale opkomst nedich. Lykwols, yn hoefier wurdt de stim fan 'e demokratyske mearderheid heard? Wat wurdt der dien mei dizze streekrjochte en dúdlike ôfwizing?

It hat der alles fan dat oer de miening fan 'e mearderheid fan de befolking hinne walst wurde sil. Wat sei Balkenende derfan? 'De Ierse regering kan besluiten de uitslag van het referendum te negeren. Net samar, sa'n útspraak fansels. JP hie krekt in 'wichtige' byienkomst meimakke en dêr grif wat 'ynstruksjes' krigen! Frankryk wol dat der in nij referindum hâlden wurdt yn Ierlân. Of dat der -alwer - in oar, nij ferdrach makke wurdt. Mar, Ierlân hie earder, yn earste omloop, it ferdrach fan Nice ek al ôfwiisd. Boppedat wie de mearderheid fan de befolking fan Frankryk en Nederlân net ree om yn te stimmen mei de Europeeske grûnwet by referinda dêroer. 

Ik moat earlik sizze dat ik by in nij referindum no Nee stimme soe, wylst ik de foarige kear Ja stimd haw. De boargers dy't by de referinda Nee stimd hawwe binne net ree foar in ûndemokratysk Europa fier fan hûs mar wolle it foech ticht by hûs en mear ynfloed op 'e ûntwikkelings. Wy sille de demokrasy en dêrmei de útslach fan de referinda respektearje moatte.

Fakatuere by EFA-youth: jongereinkoördinator

By de EFA, de Europarlemintspartij fan ferskate regionale partijen (sawat 35 yn hiel Europa) is krektlyn in nijsgjirrige fakatuere iepensteld foar in jongereinkoördinator. Stânplak is Brussel en de krekte funskje-omskriuwing stiet hjirre. Ast belangstelling hast foar dizze moaie baan, of witst immen dy't hjirop sollisitearje kin/moat, mail dan foar 27 juny 2008 nei coordinator@efay.eu en/of president@afay.eu. Ast witte wolst wat de EFA is en docht, kinst de website besjen en fansels ek altyd kontakt mei my opnimme (sjoch adresgegevens hjirneist). Ast gading makkest: súkses!

EFA-Greens net yn gefaar troch nije regels

Yn in eardere blog melde ik de nije regels fan it Europeesk parlemint (EP) dy't op kommende wei binne om it lêstiger te meitsjen om groepen te foarmjen yn it EP. Foar in groep moatte jo 30 parlemintariërs hawwe út in kwart fan de lidsteaten.

De EFA hat mei de Greens 42 EP-ers, út 10 lidsteaten. En dêrmei net yn 'e gefaresône. Lykwols, demokrasy bestiet by de graasje fan it rekken hâlden mei mearderheden én minderheden, dus al dy lytse(-re) fraksjes sille ek in ridlik, proporsjoneel, budzjet hawwe moatte om har taken dwaan te kinnen. Ek al soe ús groep, dy't no de 4e groep yn grutte is, trochgroeie nei in tredde of twadde plak, dan bin ik der wis fan dat sy foar finansiering fan de lytse fraksjes wêze soenen. 

Dat ek de 'lytsere' partijen lykas de EFA foar de takomst fan in demokratysk Europa tige fan belang binne, docht wol bliken út dit berjocht: Grikelân docht werklik alles om it bestean fan Masedoniërs en har lân te ûntkennen en de EFA stelt dat ûntkennen - fansels - oan 'e kaak.

Stjoert elite wrâld yn ûnstjoer?

De wrâld liket yn ûnstjoer. Orkanen, ierdbevings, aksjes, hege itens- en oaljeprizen, 'war on terror'.

De ôfrûne dagen binne der wer tal fan yndikaasjes dat alles net sa 'tafallich' is as dat it miskien wol liket:

1. filmke: ierdbeving Sichuan feroarsake troch it troch minsken makke, duvelske Haarp-systeem?

2. 'war on terror': Amerikaanske regear skuldich oan 9-11, Bush joech opdracht?   

3. Rumsfeld woe in 9-11 yn Europa.

4. de priis fan ús iten: spekulaasje driuwt priis op.

Neikommen: sjoch ek dit nijsgirrige stik oer enerzjy en befolkings-polityk!