Petearjûnen en resultaat

Rekening houden met?

Ik wie juster wat papieren oan't oprêden en fûn dêr, tafallich of net, wat oantekens werom fan ien fan 'e petearen, en wol fan Terherne op 26 oktober 2009. De petearen oer de takomst fan 'e gemeente dy't yn 'e measte doarpen hâlden binne. Ik haw dêr sekuer in pear útspraken fan dizze en jinge opskreaun, mar benammen fan boargemaster Baas, dy't de yn- en útlieding die. Oan it begjin fan 'e jûn sei er: 'Wij zullen ons best doen om wensen uit te voeren' en 'Het belang van de bevolking staat voorop'. Op in bepaald stuit kaam doarpsbelang Terherne oan it wurd. Sy hienen in enkête hâlden yn it doarp yn ferbân mei de weryndieling. Fan 'e 360 fersprate formulieren wienen 200 weromkommen. 2 woenen fierder mei Boarnsterhim, 8 nei Súdwest-Fryslân en 187 (94% fan 'e befolking) woenen nei Skarsterlân ta. In dúdliker útslach kinne jo jo hast net betinke. Oan 'e ein fan 'e jûn sei boargemaster Baas dat 'Er buitengewoon goed rekening zal worden gehouden met aldatgene wat hier is opgemerkt'. Hoe kinne jo dan no in beslút oan 'e befolking ferkeapje dat Terherne dochs nei Hearrenfean ta moat en net nei Skarsterlân?

-

Sybren Monday 30 August 2010 at 1:12 pm | | Default

six comments

gogem

De rekkensom doocht yn myn eagen net hielendal: it moat wêze ’94% fan de ynfollers’ yn stee fan ‘befolking’, of miskien: 187 fan de 805 ynwenners (fan mrt 2008 neffens Wiki, dus kin natuerlik ferskille fan hjoeddeistige oantal); rûm 23 prosint fan de ynwenners.
Nimt net wei dat B&W hielendal net harket nei de ynwenners. In sear spitige saak!
Groetnis út Skarsterlân

gogem, - 30-08-’10 14:31
Sjoerd Groenhof

Sybren,

In wichtige gewisse fraach dy’t it stellen wurdich is oan it kolleezje fan Boarnsterhim!

Hat it kolleezje fan Boarnsterhim efter de skermen oerlis hân mei deputearre steaten fan provinsje Fryslân oer dizze ferdieling foardat sy mei dit útstel nei bûten kaam? Fan ûnder op betsjut gjin stjoering fan boppe ôf!

groetnis,
Sjoerd

Sjoerd Groenhof, - 31-08-’10 00:41
Sybren

@ Gogem: goed opmurken, hiel skerp. Yndied, 94% fan ‘e ynfollers.

@ Sjoerd. Dêr bin ik op himsels wol wis fan, mar it is in goede fraach foar de gemeenteriedsgearkomste.

Sybren, - 31-08-’10 09:09
H.H. Vermeulen

Het is onzin dat het college helemaal niet naar de inwoners luistert. Ik begrijp de teleurstelling bv. Aldeboarn en Terherne. Maar, Skarsterlan zit ivm de de herindeling met Gaasterland-Sloten niet te wachten op Terhorne. Daarnaast is het al uitzonderlijk dat Boarnsterhim opgedeeld wordt. Niet gebeurt eigenlijk nooit. Het is onmogelijk om elk dorp haar zin te geven en Boarnsterhim te verdelen over 5 gemeenten.

H.H. Vermeulen, (Email) - 01-09-’10 00:50
Sybren

@ H.H. Vermeulen: Skarsterlân hat wol deeglik oanjûn dat Terherne, mar ek Akkrum/Nes wolkom binne. Dat hawwe se yn in saneamde ‘petition paper’ te witten dien. In offisjeel stik, dat ek nei it Kolleezje en Gemeenterie ta gongen is.

Fierder: by de opheffing fan Boarnsterhim is as ien fan ‘e wichtichste arguminten brûkt dat doarpen neat mei elkoar hawwe soenen, dat der gjin ‘ienheid’ of ‘kohesy’ is. Wat neffens my in socht argumint wie. mar troch doarpen no tsjin har sin by Ljouwert en Hearrenfean te foegjen krije jo dat effekt dúdlik hiel sterk. Doarpen as Sibrandabuorren en Tersoal hawwe neat mei in stedswyk as de Frijheidswyk of Skieringen.

Sybren, - 02-09-’10 09:56
Henk

Wat my oanbelanget mei de gemeenterie de doarpen fan Boarnsterhim wol beskermje tsjin de lânhonger fan Ljouwert en it Fean. De megalomane útwreiding fan Ljouwert oan ‘e súdkant kin no de gemeentegrins noch net oer. Alle histoaryske gearhing is fuort as der ynienen sa’n ûnbidige deade wenpûst oan ‘e stêd plakt wurdt.

Henk, - 10-09-’10 20:52
Emoticons

(register/login)
Remember personal info?
Notify
Hide email
Small print: All html tags except <b> and <i> will be removed from your comment. You can make links by just typing the url or mail-address.
« Earste protesten... | Home | 'Boarnsterhim traktee… »