In 2005 zijn wij als FNP met een initiatief gekomen om zogenaamde 'Open Standaarden' en 'Open Source' bij de gemeente Leeuwarden te bevorderen. Dit is destijds ook met algemene stemmen door de Leeuwarder gemeenteraad overgenomen. Vervolgens is het natuurlijk even wachten op de concrete uitwerking daarvan door het college en de amtelijke dienst, want papier is geduldig...
Maar, onze inzet is niet voor niets geweest! In het jaarverslag 2005 dat nu voor ons ligt en binnenkort door de gemeenteraad zal worden vastgesteld, staat onder andere het volgende: Acties die in 2005 hebben plaatsgevonden (o.a.):
- niet verlengen van het licentiecontract met Microsoft;
- keuze voor het met open source software uitvoeren van het gemeentelijk digitaal loket.
Een echte doorbraak dus, met name over het niet verlengen van het contract met Microsoft ben ik zeer enthousiast. Want met dit contract waren jaarlijks alleen al voor de gemeente Leeuwarden enkele tonnen (in euro's) gemoeid. Waarschijnlijk is er nu gekozen voor Open Office-pakketten, hét volwaardige alternatief voor Microsoft.
Deze week was er trouwens nog een aardig nieuwtje: er is nu ook een Friestalige versie van de webbrower Firefox. Een projectgroep onder leiding van de Leeuwarder Wim Benes heeft van dit open source alternatief voor de Internet Explorer een mooi alternatief in onze eigen taal gemaakt. Goed wurk, minsken!
Jûn beprate wy as gemeenterie it nije kolleezjeprogram. Fierders wurde de wethâlders ynstallearre. It docht bliken dat wy de nije perioade mei in foarse tsjinfaller begjinne moatte: der is in hiel grutte efterstân op 'Onderhoud Vastgoed'. Sis mar, it ûnderhâld fan de gebouwen dy't yn it besit binne fan de gemeente (kinne ek sportakkomodaasjes wêze). Al earder (31 jannewaris 2005) hawwe wy as FNP fragen oer dizze matearje steld: doe nei oanlieding fan it ynstoarten fan in pleats by Wytgaard dy't yn gemeentlik besit wie. Fansels wisten wy doe ek al dat guon gebouwen fan de gemeente der net sa bêst oan ta wienen, lykas de ûnderste ferdjipping fan de Haniahof en de Blauwe Stoep. Wy hawwe doe frege om de ynventarisaasje sa gau mooglik oan de kommisje fan de gemeenterie foar te lizzen, mar dêr hawwe se dus op wachte oant nei de gemeenteriedsferkiezings. Dat wylst neffens de programmabegrutting 2005 der yn 2003-2004 troch Vastgoedbeheer in ynventarisaasje hâlden is fan de normale ûnderhâldssituaasje/de budzjettêre posysje en soe 2004/2005 in ynventarisaasje fan grut/achterstallich ûnderhâld plakfine mei de finansjele konsekwinsjes. Ik freegje my ôf wannear't it kolleezje dizze ynformaasje wist, want it liket my dat de rie fierstente let ynformaasje krigen hat oer dizze matearje. Der moat no ynienen, flak nei de ferkiezings, in ynhelslach dien wurde fan hast € 5,4 miljoen yn 4 jier tiid (2007-2010). Mei dêrtroch hast gjin jild foar leuke, nije of kreative dingen. Dizze post slurpt hast alles op. Jûn sil ik hjir seker fragen oer stelle!
Juster krige ik it nije kolleezje-program fan Ljouwert ûnder eagen. As FNP hienen wy nei de ferkiezings in stik as wat saken ynbrocht dy't wy wichtich fine foar de kommende perioade. Letter hawwe wy oan de ynformateur ús punten nochris koart gearfette. Ferline wike tiisdei wie in ynformele tusken-byienkomst oer it kolleezje-program. Ik haw doe sein dat wy der in pear werkenbere FNP-punten yn weromfûnen, bygelyks it stimulearjen fan universitêre master-opliedings, gjin ferheging fan de lêsten foar de boarger en it behâld fan de foaroansteande posysje fan Ljouwert op it mêd fan duorsumens. Ik haw doe noch in punt nei foaren brocht wat noch net yn it program stie: Fryske taal en kultuer. Yn de definitive ferzje fan juster stiet no opnommen: taalbeleid
Ten opzichte van activiteiten en initiatieven op het gebied van de Friese taal nemen wij een positieve houding aan. Daarom komt er een Friese versie van dit collegeprogramma beschikbaar.
In moai súkseske dus. Dy't A seit moat ek B sizze...
Woansdeitejûn besprekke wy it jierferslach fan de gemeente. In pear saken wol ik jim net ûnthâlde:
- in begrutting fan € 389 miljoen en in posityf resultaat fan € 6,1 miljoen!
- it tal studinten (HBU) is groeit fan 14.000 nei 16.000;
- it tal oernachtings fan 'boatsjeminsken' is groeid fan 9500 nei 10.200;
- it tal minsken dat fia ien fan de tûzenen re-yntegraasjetrajekten trochstreamd nei regulier wurk is mar 177;
- dêryntsjin fan de 600 minsken mei subsidieard wurk hawwe 244 in echte, normaal betelle baan krigen;
- der binne yn de hele gemeente leafst 538 nije huzen boud, lykwols mar 1 (ien) yn ien fan de 9 doarpen. Dêr sil ik fansels echt in opmerking oer pleatse en wurk fan meitsje!
- der is in tekoart fan 1300 fytsestallingen;
- noch mar 9 fan de 400 kavels ferkocht yn 'Blitsaerd'. Op de webside stiet no 16 ferkocht, mar ik haw berekkene dat se eins jierliks 35 ferkeapje moatte. Komt dat wol goed??;
- it persintaazje reizgers yn it OV as % fan it totaal is sakke fan 5 nei 4 % wylst dat gelyk bliuwe soe!
- it tal ynsidinten yn en om it iepenbier ferfier hinne is yn in pear jier tiid omheech gongen fan 20 nei 58. It docht bliken dat benammen it busstasjon fan Ljouwert net as 'feilich' sjoen wurdt. Dat freget om maatregels fan de plysje fansels!
- in ferbettering fan it persintaazje tefreden klanten fan de balys fan it gemeentehûs sels (stedskantoar);
- in positive ûntjouwing fan de ferhâlding frou/man; yn 2000 noch 0,49 yn 2005 wie dat al 0,58 (ratio)!
- de frijheidswyk is út de 'reade' gefaresône wat ûnfeiligens oangiet;
- in gigantyske taname fan it tal meldingen (klachten) oer de útfiering fan it wurk fan de gemeente: fan 3200 nei 6200! Benammen ôffal op strjitte (454), oerlêst (566), iepenbiere ferljochting (842) en ferhurdingen (ûnderhâldssteat diken/wegen, 1434) 'skoare' min.
Benammen dit lêste aspekt noasket my min. Geregeld krije wy as riedsleden klachten oer de normale deistige praktyk, mar dit liket wol hiel slim. Ik sil it woansdei absolút oankaarte.
Gemiddelde leeftyd Ljouwerter keunstners omheech nei 65 jier?
Fan 'e middei haw ik, tegearre mei Eddy Knipper fan de Wolvesteeg-werkgroep, by de lokale omrop Mercurius RTV west om tekst en útlis te jaan oer de oefenromtes foar bands hjir yn Ljouwert.
De situaasje is sa dat de gemeente oergean wol ta hanthavening en de oefenromtes yn de Wolvesteeg foar popmusikanten ticht hawwe wol. Dat om't der klachten wêze soenen fan omwenjenden. It nuvere is, dat de wurkgroep Wolvesteeg sels by de plysje neifraach dien hat en dat der yn de plysje-statistiken neat bekend is oer klachten.
Mar it meast frjemde is wol dat de gemeente yn syn eigen kultuernotysjes stelt dat se in 'levendig popklimaat' yn de haadstêd fan Fryslân hawwe wolle, 'aan pop verwante activiteiten voor jongeren' en by it kopke 'Oefenruimten' is it belied: 'De aanwezigheid van voldoende oefenruimten draagt bij aan een bloeiend popklimaat'. Seker no't wy hjir yn Ljouwert in popakademy hawwe binne oefenromtes hiel wichtich om bands in springplanke te jaan. It is algemien bekend dat it sluten fan de oefenromte in swiere oanslach betsjutte sil op it popklimaat fan ús haadstêd. Dus, as jo sizze dat it wichtich is, dan soenen jo jo ek ynspanne moatte om de musikanten yn alle gefallen te helpen om in oefenromte te sykjen. Mar, sels dat docht it kolleezje net. Ik haw útsteld om de boppeferdjipping fan it eardere 'Rock-It', dat de gemeente oerkeapje wol (mei in flinke ûnrendabele top!), beskikber te stellen oan de groep, ommers dy ferdjipping wurdt no dochs net brûkt. En as gemeente kinne jo ynfloed útoefenje op wat der yn jo eigen gebouwen dien wurdt, jo kinne saken stimulearje of krekt ôfremje. Tige teloarstellend wie it dat de wethâlder (Van Mourik) neat fan myn útstel witte woe. Teloarstellend, om't de gemeente yn myn eagen wol deeglik in ferantwurdlikens hat om it popklimaat yn Ljouwert te stimulearjen. 35 musikanten (9 bands) brûke de romte heel geregeld. De wurkgroep helpt ek mei by it jierlikse Frysk strjitfestival, by Simmerpop en tal fan oare aktiviteiten. De hannelswize fan it kolleezje kinne jo net echt 'posityf-stimulearjend' neame. No sille wy as FNP sels yn aksje komme moatte.
In skoftke lyn is bekend wurden dat de trochsnee leeftyd fan keunstners yn Ljouwert 55 jier is. Wurdt it troch dizze maatregel fan de gemeente no 65?
Skotske susterpartij fan FNP wint, takom jier oan de macht?
Sa út en troch sjoch ik efkes op de websiden fan de kollega-regionale partijen fan de FNP yn Europeesk ferbân dy't feriene binne yn de EFA. It is fansels altyd nijsgjirrich wat der earne oars op de wrâld bart en wat jo dêrfan leare kinne.
Sakrekt haw ik efkes op de side fan ús Skotske susterpartij sjoen, de SNP (Scottish National Party). It is hiel aardich om te sjen dat by opienfolgjende lokale ferkiezings yn 2005 en 2006 de SNP sterk wûn hat. 32% foar de SNP, 28% Labour en 16% Tory. Omrekkene yn sitten allinnich winst foar de SNP, ferlies foar de ûnôfhinklike kandidaten en Labour.
Nei 9 jier fan 'bestjoer sûnder ambysje' fan Labour wolle de Skotten no dúdlik feroaring. De SNP seit: 'We have an Executive without vision and a parliament without power – it is time to move on'. Takom jier hawwe se no in reeël útsjoch op de macht yn Skotlân. Yn de taspraak fan har partijlieder Salmond in soad ekonomyske punten, mar ek de belofte om in referindum út te skriuwen oer ûnôfhinklikens as se oan de macht komme.
Oerdreaune útspraken fan Nijpels fan 'e middei by de iepening fan de eksposysje 'Tsjoch' fan it Frysk museum. Hy begûn earst op himsels keurich mei in ynhâldlik ferhaal oer de rike 125 jier dat it museum bestiet (sûnt 1881). Mar dêrnei fleach hear kommissaris folslein út de bocht.
Hy misbrûkte it poadium om in stimadvys te jaan oer it Ljouwerter referindum. In hele opsomming oer de finânsjes fan it projekt en hoefolle eksterne partijen wol net meibetelje soenen. Mar it slimste wie noch wol dat er op in bepaald stuit sei dat it in 'zwarte bladzijde in de Leeuwarder geschiedenis' wêze soe as de befolking by it referindum tsjin it projekt stimd. Dat kin sa fansels net, in kommissaris heart boppe de partijen te stean. Letter, by it besjen fan de (nijsgjirrige) eksposysje hie sawat elkenien it oer dizze misstap. Guon seinen: elk syn eigen miening, mar de kommissaris moat syn posysje witte. Hy is in publyk persoan. En: by in 'zwarte bladzijde' tink ik persoanlik mear oan de oarlochsperioade 1940-1945.
Ik tink dat it úteinlik foar de foarstanners fan it projekt 'Nieuw Zaailand' kontraproduktyf is dat Nijpels sokke útspraken docht. En dêrmei sjit Nijpels, om syn eigen wurden te brûken, dus yn syn eigen foet...
Jûn hawwe wy as riedsleden (alle 8 partijen wienen oanwêzich) praat mei 15 fan de 30 winkeliers fan it Winkelsintrum Saailân. It wie in tige ferhelderjend petear, wat foar my in soad saken befêstige. Der is praat oer de situaasje fan no yn it winkelsintrum (grutte leechstân) en oer de takomst.
Neffens de foarsitter fan de ûndernimmers, Bram de Boer, wie de leechstân jierrenlang nihil. Earst troch de plannen mei it Nieuw Zaailand is der in grutte leechstân ûntstien, benammen op de earste ferdjipping (boppe). Der is sels sprake fan in 'nijpende situatie', yn syn wurden.
Neffens de ûndernimmers kin ek net samar de skuld dellein wurde by Achmea, de eigner fan it kompleks. Sy hawwe ommers ek belang by folle 'units', in grutte ferhier fan it winkelsintrum. It skynt dat der ek seker noch wol belangstelling is foar de winkels, mar de situaasje is sa ûnwis dat ûndernimmers net in langrinnend kontrakt ôfslute wolle.
De winkeliers kleie ek oer de kommunikaasje. Sy hawwe mar summiere ynformaasje krigen. Se hawwe ferlet fan dúdlikens oer de planning, oer de fraach oft de loopbrêge tusken V&D en it winkelsintrum bliuwt, of de ûndertrochgong nei de parkeargaraazje bliuwt, ensfh. Salang't der gjin dúdlikens komt, komt ek gjin ein oan de leechstân, sa is my wol dúdlik wurden. Fierder preaun ik wer wat irritaasje oer it foar de beurt sprekken fan de ûndernimmersklup LEON. Yn de krante stie op in gegeven momint pontifikaal dat 'de ûndernimmers' fan Ljouwert foar de plannen binne, mar de measten binne dat neffens my net. Yn alle gefallen binne dizze winkeliers it net iens mei it stânpunt fan de LEON. It bouwen en brekken oan 2 kanten fan it winkelsintrum skielk soe absolút net besprekber wêze foar de winkeliers. En as útsmiter: as de parkeargaraazje der oardel jier út leit soe dat miskien net de 'doodsteek' wêze fan de middenstân, mar se soenen it wol heel dreech krije.
Yn in berjocht wat wy as FNP earder nei bûten ta brocht hawwe oer it projekt kamen in protte fan dizze saken ek al nei foaren. It fersterket allinnich mar de gedachte: op 24 maaie (referindum) nee stimme!
Ferline wike haw ik, nei alle oproppen dêrta op de radio, de website www.nederlandineuropa.nl besocht en de fragelist ynfolle. It is dúdlik dat it regear noch hieltyd yn 'e mage sit mei de ôfwizing fan de Europeeske grûnwet en der no, middels dizze fragelist besiket achter te kommen wêrom't minsken tsjin stimd hawwe. Der steane nochal wat fragen yn oer Turkije. Ast fynst dat Turkije lid wurde mei fan de EU, wêrom dan wol of net ensfh. Sels haw ik dy fraach noch befêstige noch ûntkend. Ik haw der in opmerking by pleatst, want dat mei ek. Want it makket foar my net út dat de measte Turken Islamitysk binne, dêrom soenen se om my wol lid wurde kinne. Europa hoecht net foar altyd en ivich yn in joadsk-kristlike tradysje te stean, oare religys en kultueren binne fan herte wolkom. Ek it feit dat in grut part fan Turkije net ryk is is foar my net sa fan belang. Rykdom en wolfeart moatte jo diele kinne.
Twa saken binne wat my oangiet wol fan belang. Punt ien is foar my de fraach wêr't de EU op in bepaald stuit begjint en eindiget. De EU moat te oersjen wêze, te grut is ek net goed. Turkije leit foar in part yn Europa, mar dat leit Ruslân ek. Mar soe Siberië dat ûnder Ruslân falt yn de takomst dan ek ûnderdiel fan de EU wurde kinne, as Turkije lid wurde kin en Ruslân dus ek?
In twadde punt binne de minskerjochten, en dan benammen de saneamde Kopenhagen-kritearia. De LC berjochtet hjoed ek wer oer hoe't Turkije mei de Koerden om giet. Faak wurde freedsume demonstraasjes mei geweld de kop yndrukt en dat ropt dan wer in tsjinreaksje op. Dat is in lidsteat fan de EU net weardich. De Turkske (dus net Koerdyske!) minskerjochte-organisaasje IHD tinkt ek dat de dea fan it echtpear, wêrtroch alle ûnrêst ûntstie, in politike moard is en gjin rôfmoard, sa't de autoriteiten stelle. Wol de EU himsels serieus nimme, dan kinne sokke saken net troch de stringen en moat lidmaatskip gewoan ôfwiisd wurde. Yn it belang fan it betrouwen fan de boarger yn it neikommen fan ôfspraken (yn dit gefal de Kopenhagen-kritearia). Sadat in eventueel takomstich referindum wol in mearderheid hellet.
